27 December, 2024 07:42:17 PM
നിധി ആപ്കെ നികട് 2.0: ബോധവത്ക്കരണ പരിപാടി സംഘടിപ്പിച്ചു
പാലക്കാട്: എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷന്‍ പാലക്കാട്, ഇ.പി.എഫ് ഓര്‍ഗനൈസേഷന്‍ പാലക്കാട് എന്നിവയുടെ സംയുക്താഭിമുഖ്യത്തില്‍ മുണ്ടൂര്‍ ഐ.ആര്‍.ടി.സിയില്‍ വെച്ച് സുവിധാ സമാഗം 'നിധി ആപ്കെ നികട് 2.0' പരാതി പരിഹാര ബോധവത്ക്കരണ പരിപാടി സംഘടിപ്പിച്ചു. ഐ.ആര്‍.ടി.സി രജിസ്ട്രാര്‍ രാഘവന്‍ ഉദ്ഘാടനം ചെയ്തു.
പാലക്കാട് അസിസ്റ്റന്റ് പി.എഫ് കമ്മിഷണര്‍ എം.എസ് അനന്തരാമന്‍, ഇ.എസ്.ഐ ജില്ലാ നോഡല്‍ ഓഫീസര്‍മാരായ അംബിക ദേവദാസ്, സി. രമേഷ് എന്നിവര്‍ ബോധവത്ക്കരണ ക്ലാസുകള്‍ നടത്തി. തൊഴിലാളികള്‍, തൊഴിലുടമകള്‍, പെന്‍ഷണര്‍മാര്‍ എന്നിവര്‍ ഉള്‍പ്പെടെ 85 പേര്‍ പങ്കെടുത്ത പരിപാടിയില്‍ 10 പരാതികള്‍ പരിഹരിച്ചു.
