24 December, 2024 11:11:46 AM
മഹാരാഷ്ട്രയിൽ അമിത വേഗതയിലെത്തിയ കാർ ഇടിച്ച് കാൽനടയാത്രക്കാരന് പരിക്ക്
മുംബൈ: മഹാരാഷ്ട്രയിലെ ഹിംഗോലി ജില്ലയിൽ അമിത വേഗതയിലെത്തിയ കാറിടിച്ച് കാൽനട യാത്രക്കാരന് ഗുരുതര പരിക്ക്. കാർ ആദ്യം കടകളിലേക്ക് ഇടിച്ചു കയറുകയായിരുന്നു. അവിടെ നിന്ന് മുന്നോട്ട് എടുക്കാൻ ശ്രമിക്കുന്നതിനിടെയാണ് കാൽനട യാത്രികന്റെ മുകളിലൂടെ വാഹനം കയറി ഇറങ്ങിയത്. സമീപത്തെ കടകൾക്ക് കാര്യമായ കേടുപാടുകൾ സംഭവിച്ചിട്ടുണ്ട്. അപകട ശേഷം പ്രതികൾ രക്ഷപ്പെടുകയായിരുന്നു. എന്നാൽ സിസിടിവി ദൃശ്യങ്ങളുടെ അടിസ്ഥാനത്തിൽ നടത്തിയ അന്വേഷണത്തിൽ പ്രതികളെ പോലീസ് പിടികൂടി. ഇവർ ഓടിച്ചിരുന്ന വാഹനവും പോലീസ് കസ്റ്റഡിയിലെടുത്തിട്ടുണ്ട്.
