21 December, 2023 07:42:10 AM
കാസര്‍ഗോഡ് ശബരിമല തീര്‍ത്ഥാടകരുടെ ബസ് മറിഞ്ഞ് പതിനഞ്ചോളം പേര്‍ക്ക് പരിക്ക്
കാസര്‍ഗോഡ്: കര്‍ണാടക ഷിമോഗയില്‍ നിന്നുള്ള ശബരിമല തീര്‍ത്ഥാടകര്‍ സഞ്ചരിച്ച ബസ് മറിഞ്ഞ് അപകടം. കാസര്‍ഗോഡ് ചിറ്റാരിക്കാല്‍ കാറ്റാംകവലയിലാണ് ബസ് അപകടത്തില്‍പ്പെട്ടത്. പതിനഞ്ചോളം തീര്‍ത്ഥാടകര്‍ക്ക് പരുക്ക്. ശബരിമല ദര്‍ശനം കഴിഞ്ഞു മടങ്ങുകയായിരുന്നു. 24 തീര്‍ത്ഥാടകരാണ് ബസിലുണ്ടായിരുന്നത്. പരുക്കേറ്റവരെ ചെറുപുഴയിലെ സ്വകാര്യ ആശുപത്രികളിൻ പ്രവേശിപ്പിച്ചു.
