23 December, 2023 02:12:03 PM
ജോലിക്ക് ഭൂമി അഴിമതി: തേജസ്വി യാദവിന് വീണ്ടും ഇഡിയുടെ സമൻസ്
ന്യൂഡൽഹി: ജോലിക്ക് പകരം ഭൂമി അഴിമതിക്കേസുമായി ബന്ധപ്പെട്ട അന്വേഷണത്തിന്‍റെ ഭാഗമായി ചോദ്യം ചെയ്യലിനായി ഹാജരാകണമെന്നാവശ്യപ്പെട്ട് ആർജെഡി നേതാവ് തേജസ്വി യാദവിന് വീണ്ടും സമൻസ് അയച്ച് ഇഡി. ജനുവരി 5ന് ഹാജരാകാൻ ആണ് ആവശ്യപ്പെട്ടിരിക്കുന്നത്. ഡിസംബർ 22ന് ചോദ്യം ചെയ്യസിനു ഹാജരാകാൻ ആവശ്യപ്പെട്ട് ഇഡി ഇതിനു മുൻപും തേജസ്വിക്ക് സമൻസ് അയച്ചിരുന്നു.
എന്നാൽ അദ്ദേഹം ചോദ്യം ചെയ്യലിനായി ഹാജരായില്ല. ഇതേ തുടർന്നാണ് വീണ്ടും സമൻസ് അയച്ചിരിക്കുന്നത്. തേജസ്വിയുടെ പിതാവും ആർജെഡി നേതാവുമായ ലാലുപ്രസാദ് യാദവ് റെയിൽവേ മന്ത്രിയായിരുന്ന കാലത്ത് നടന്ന അഴിമതിക്കേസിലാണ് അന്വേഷണം തുടരുന്നത്.
