02 October, 2024 03:56:25 PM
കടലിൽ വല വീശുന്നതിനിടെ കാണാതായ യുവാവിന്‍റെ മൃതദേഹം കണ്ടെത്തി
കുമ്പള : കടപ്പുറത്ത് കടലിൽ വല വീശുന്നതിനിടെ വെള്ളത്തിൽ വീണ് കാണാതായ യുവാവിൻറെ മൃതദേഹം കണ്ടെത്തി. പെറുവാട് ഫിഷറീസ് കോളനിയിലെ അബ്ദുല്ലയുടെ മകൻ അർഷാദി (19)ന്റെ മൃതദേഹമാണ് മത്സ്യത്തൊഴിലാളികൾ അഴിമുഖത്ത് കണ്ടെത്തിയത്. ചൊവ്വാഴ്ച വൈകീട്ട് ആറുമണിയോടെയാണ് കോയിപ്പാടി കടപ്പുറത്ത് കരയിൽ നിന്നും അല്പം മാറി വലവീശുന്നതിനിടെ അർഷാദ് അപകടത്തിൽപെട്ടത്. തുടർന്ന് നാട്ടുകാരും ഫയർഫോഴ്സും കുമ്പള തീരദേശ പൊലീസും കുമ്പള പൊലീസും സ്ഥലത്തെത്തി വ്യാപകമായ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല.ഇന്ന് ഉച്ചയ്ക്ക് 12 മണിയോടെയാണ് മൃതദേഹം കണ്ടെത്തിയത്. മാതാവ്: ഫാത്തിമ. സഹോദരി: അർഷാന.
