05 March, 2024 11:08:45 AM
ഇസ്രയേലിൽ മിസൈൽ ആക്രമണം; മലയാളി കൊല്ലപ്പെട്ടു
ടെൽ അവീവ്: ഇസ്രയേലിൽ മിസൈൽ ആക്രമണത്തിൽ മലയാളി കൊല്ലപ്പെട്ടു. മരിച്ചത് കൊല്ലം സ്വദേശി ലിബിൻ മാക്സ് വെൽ. ആക്രമണത്തിൽ രണ്ട് പേർക്ക് പരിക്കേറ്റു. വടക്കൻ ഇസ്രയേലിലാണ് ലെബനൻ ആക്രമണം നടത്തിയത്. കാർഷിക മേഖലയായ മൊഷാവിലെ മാ‍ർഗലിയോട്ടിലെ പ്ലാന്റേഷനിലാണ് മിസൈൽ പതിച്ചത്. ജോസഫ് ജോർജ്, പോൾ മെൽവിൻ എന്നിവ‍ർക്കാണ് പരിക്കേറ്റത്. ഇവർ ആശുപത്രിയിൽ ചികിത്സയിലാണ്.
സംഭവത്തിൽ ഇന്ത്യയിലെ ഇസ്രയേൽ എംബസി ദുഖം രേഖപ്പെടുത്തി. പരിക്കേറ്റവർക്ക് മികച്ച ചികിത്സ നൽകുകയാണ്. കുടുംബങ്ങൾക്ക് വേണ്ട പിന്തുണയും സഹായവും നൽകുമെന്നും ഹിസ്ബൊല്ലയാണ് ആക്രമണം നടത്തിയതെന്നും ഇസ്രായേൽ എംബസി വ്യക്തമാക്കി.
കൊല്ലപ്പെട്ട ലിബിൻ 2 മാസം മുൻപാണ് ഇസ്രായേലിൽ എത്തിയത്. ഇന്നലെ വൈകീട്ട് നാലരയ്ക്കാണ് വീട്ടുകാർക്ക് അപകടത്തെ കുറിച്ച് വിവരം കിട്ടിയത്. അഞ്ചു വയസുള്ള മകൾ ഉണ്ട്. നിബിന്‍റെ ഭാര്യ ഏഴു മാസം ഗർഭിണിയാണ്.
