26 January, 2024 03:59:13 PM
മദ്യപാനം നിർത്തുന്നതിനായി എത്തിച്ച യുവാവിനെ പ്രാർഥനാലയത്തിൽ തൂങ്ങിമരിച്ച നിലയിൽ
തിരുവനന്തപുരം: യുവാവിനെ പ്രാർഥനാലയത്തിനുള്ളിൽ തൂങ്ങിമരിച്ച നിലയിൽ കണ്ടെത്തി. ആഴങ്കൽമേലെ പുത്തൻവീട്ടിൽ ശ്യാം കൃഷ്ണ(35)യെ ആണ് കല്ലാമം ഷാലോം ചർച്ച് പ്രയർ ഹാളിനുള്ളൽ തൂങ്ങി മരിച്ച നിലയിൽ കണ്ടെത്തിയത്.
മദ്യപാനം നിർത്തുന്നതിനായി കഴിഞ്ഞ ദിവസമാണ് ശ്യാം കൃഷ്ണയെ ബന്ധുക്കൾ പ്രാർത്ഥനയ്ക്കായി ചർച്ചിൽ കൊണ്ടുവന്നതെന്ന് പറയുന്നു. ഇന്നലെ രാത്രിയോടെ ശ്യാം കൃഷ്ണയെ കാണാതാവുകയായിരുന്നു. തുടർന്ന് അന്വേഷണം നടത്തിയെങ്കിലും കണ്ടെത്താൻ കഴിഞ്ഞില്ല.
ഇന്ന് രാവിലെ 7 മണിയോടെയാണ് പ്രാർഥനാ ഹാളിനുള്ളിൽ തൂങ്ങി മരിച്ച നിലയിൽ കണ്ടെത്തുന്നത്. തുടർന്ന് കാട്ടാക്കട പൊലീസ് സ്ഥലത്തെത്തിമേൽ നടപടികൾ സ്വീകരിച്ചു.
