01 June, 2024 12:15:07 PM
ശംഖുമുഖത്ത് വള്ളം മറിഞ്ഞ് അപകടം; ഒരാളെ കാണാതായി, തിരച്ചിൽ തുടരുന്നു
തിരുവനന്തപുരം: വള്ളം മറിഞ്ഞ് ശംഖുമുഖത്ത് മത്സ്യത്തൊഴിലാളിയെ കാണാതായി. കാണാതായത് ശംഖുമുഖം സ്വദേശി മഹേഷിനെ ആണ്. അപകടമുണ്ടായത് ഇന്ന് രാവിലെ 7 30 ഓടെയാണ്. ശക്തമായ തിരയില്‍പ്പെട്ട് മറിയുകയായിരുന്നു മീന്‍ പിടിക്കാനായി പോയ വള്ളം. വള്ളത്തിൽ രണ്ടുപേർ ഉണ്ടായിരുന്നു. ഇവരിൽ ഒരാൾ നീന്തി രക്ഷപ്പെട്ടു. രക്ഷപ്പെട്ടത് ശംഖുമുഖം സ്വദേശി വിന്‍സന്‍റ് ആണ്. മത്സ്യത്തൊഴിലാളികളുടെ നേതൃത്വത്തില്‍ കാണാതായ ശംഖുമുഖം സ്വദേശി മഹേഷിനായി തിരച്ചിൽ തുടരുന്നു.
