26 July, 2024 04:31:17 PM
നഗ്‌ന വീഡിയോ പോസ്റ്റ് ചെയ്തെന്ന് ആരോപണം; വ്‌ലോഗറെ കെട്ടിയിട്ട് തല്ലി സ്ത്രീകള്‍
പാലക്കാട്: അട്ടപ്പാടി കോട്ടത്തറ ചന്തക്കട സ്വദേശി മുഹമ്മദലി ജിന്ന എന്ന വ്‌ലോഗറെ ഒരുകൂട്ടം സ്ത്രീകള്‍ ചേര്‍ന്ന് കെട്ടിയിട്ട് തല്ലി. തമിഴ്‌നാടിന്റെ വിവിധ ഭാഗങ്ങളില്‍ നിന്നുള്ളവരാണ് ഇവര്‍. സ്ത്രീകളുടെ നഗ്‌ന വീഡിയോ ചിത്രീകരിച്ച് ഇന്‍സ്റ്റഗ്രാമില്‍ പോസ്റ്റ് ചെയ്തു എന്ന് ആരോപിച്ചായിരുന്നു മര്‍ദനം. അഗളി പൊലീസ് എത്തിയാണ് യുവാവിന്റെ കെട്ടഴിച്ച് വിട്ടത്. വ്‌ലോഗര്‍ക്കെതിരെയും തല്ലിയവര്‍ക്കെതിരെയും പൊലീസ് കേസെടുത്തിട്ടുണ്ട്. ജിന്നയെ കോട്ടത്തറ ആശുപത്രിയില്‍ പ്രവേശിപ്പിച്ചു. തല്ലിയ സ്ത്രീകളെ അഗളി പൊലീസ് സ്റ്റേഷനില്‍ എത്തിച്ചിട്ടുണ്ട്.
