15 April, 2025 06:54:52 PM
കരുനാഗപ്പള്ളിയിൽ പെൺമക്കൾക്ക് തീകൊളുത്തിയ ശേഷം അമ്മ ജീവനൊടുക്കാൻ ശ്രമിച്ചു
കൊല്ലം: കരുനാഗപ്പള്ളിയിൽ മക്കൾക്ക് തീകൊളുത്തിയ ശേഷം അമ്മ തീ കൊളുത്തി ആത്മഹത്യയ്ക്ക് ശ്രമിച്ചു. കൊല്ലം കരുനാഗപ്പള്ളി ആദിനാട് സൗത്തിലാണ് സംഭവം. പുത്തൻ കണ്ടത്തിൽ താര ( 35 ) യാണ് മക്കൾക്ക് തീ കൊളുത്തിയ ശേഷം ആത്മഹത്യയ്ക്ക് ശ്രമിച്ചത്. ഗുരുതരമായി പൊള്ളലേറ്റ താര, മക്കളായ ആത്മിക ( 6 ) അനാമിക ( ഒന്നര വയസ്) എന്നിവരെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. താരയുടെ ഭർത്താവ് വിദേശത്താണ്. സംഭവത്തിന് പിന്നിലെ കാരണം വ്യക്തമല്ല.
