22 December, 2023 01:02:28 PM
ഡോ.ഷഹനയുടെ ആത്മഹത്യ; റുവൈസിന് ഉപാധികളോടെ ജാമ്യം
കൊച്ചി: യുവ ഡോക്‌ടർ ഷഹനയുടെ ആത്മഹത്യ ചെയ്ത കേസിലെ പ്രതി റുവൈസിന് ഉപാധികളോടെ ജാമ്യം അനുവദിച്ച് ഹൈക്കോടതി. വിദ്യാർഥിയെന്ന പരിഗണനിയിലാണ് ജാമ്യം. സസ്പെൻഷൻ പിൻവലിക്കുന്നതിൽ അച്ചടക്ക സമിതിക്ക് തീരുമാനമെടുക്കാമെന്നും കോടതി വ്യക്തമാക്കി.
പഠനം തുടരണമെന്നും ഈ മാസം 12 മുതൽ താൻ ജുഡീഷ്യൽ കസ്റ്റഡിയിലാണെന്നും റുവൈസ് ജാമ്യാപേക്ഷയിൽ പറഞ്ഞിരുന്നു. കേസ് അന്വേഷണത്തോട് പൂർണമായും സഹകരിക്കുമെന്നും റുവൈസ് വ്യക്തമാക്കിയിരുന്നു.
