04 November, 2024 08:53:47 AM
ആലുവയില്‍ മിനിലോറി ഇടിച്ച് വഴിയാത്രക്കാരന് പരിക്ക്
ആലുവ: മിനിലോറി ഇടിച്ച് വഴിയാത്രക്കാരന് പരിക്ക്. ആലുവ മാര്‍ത്താണ്ഡവര്‍മ്മ പാലത്തില്‍ വെച്ചാണ് ലോറി നടക്കാനിറങ്ങിയ ആളെ ഇടിച്ചത്. ഇന്ന് രാവിലെ ആറ് മണിയോടെയായിരുന്നു സംഭവം. പച്ചക്കറി കയറ്റിവന്ന ലോറിയാണ് നടക്കാനിറങ്ങിയ ആളെ ഇടിച്ചത്. ഇയാളുടെ പരിക്ക് ഗുരുതരമല്ല. അപകടത്തെ തുടര്‍ന്ന് മറിഞ്ഞ ലോറി ഏറെ ശ്രമപ്പെട്ടാണ് ഉയര്‍ത്തിയത്. അപകടത്തെ തുടര്‍ന്ന് ആലുവയില്‍ വന്‍ ഗതാഗത കുരുക്കാണ് രൂപപ്പെട്ടത്.
