25 March, 2025 10:08:29 AM
ചിന്നക്കനാലിൽ വീണ്ടും ചക്കക്കൊമ്പന്റെ ആക്രമണം; വീടും കൃഷിയും തകർത്തു
ഇടുക്കി: ഇടുക്കി ചിന്നക്കനാലിൽ വീണ്ടും ചക്കക്കൊമ്പന്റെ ആക്രമണം. ചിന്നക്കനാൽ 301 കോളനിയിൽ കാട്ടാന വീട് തകർത്തു. 301 കോളനി നിവാസിയായ ഗന്ധകന്റെ വീടാണ് ചക്കക്കൊമ്പൻ തകർത്തത്. ഇന്ന് പുലർച്ചെയോടു കൂടിയാണ് സംഭവം. വീടിന്റെ ഒരു ഭാഗം പൂർണമായി ഇടിച്ചു തകർത്തു. പച്ചക്കറി കൃഷിയും കാട്ടാന നശിപ്പിച്ചു. കാട്ടാന ഇപ്പോഴും മേഖലയിൽ തുടരുകയാണ്. ആർ ആർ ടി സംഘം സ്ഥലത്തെത്തി. നിലവിൽ കാട്ടാനയെ വനംവകുപ്പ് നിരീക്ഷിച്ചു വരികയാണ്.
