02 October, 2024 01:42:38 PM
കോഴിക്കോട് മിനി പിക്കപ് വാൻ തലകീഴായി മറിഞ്ഞു; ഡ്രൈവർ അത്ഭുതകരമായി രക്ഷപ്പെട്ടു
കോഴിക്കോട്: എടവണ്ണ - കൊയിലാണ്ടി സംസ്ഥാന പാതയിൽ മുക്കത്തിനടുത്ത് മിനി പിക്കപ് വാൻ തലകീഴായി മറിഞ്ഞു. നോർത്ത് കാരശ്ശേരി മാടാംപുറം വളവിൽ ഇന്ന് രാവിലെ 7 മണിയോടെയാണ് സംഭവം. അരീക്കോട് ഭാഗത്തു നിന്നും മുക്കം ഭാഗത്തേക്ക് പോകുകയായിരുന്ന വാനാണ് അപകടത്തിൽപ്പെട്ടത്. വാൻ ഡ്രൈവർ നേരിയ പരിക്കുകളോടെ രക്ഷപ്പെട്ടു.
