10 October, 2024 03:10:07 PM
കഴക്കൂട്ടത്ത് അപ്പാർട്ട്മെന്‍റിൽ കയറി വിദ്യാർഥിനിയെ ബലാത്സംഗം ചെയ്തെന്ന് പരാതി
തിരുവനന്തപുരം: തിരുവനന്തപുരം കഴക്കൂട്ടത്ത് സിവിൽ സർവ്വീസ് വിദ്യാർത്ഥിനിയെ ബലാത്സംഗം ചെയ്തതായി പരാതി. പെൺകുട്ടി താമസിച്ചിരുന്ന അപ്പാർട്ട്മെന്‍റിൽ കയറിയാണ് ബലാത്സംഗം ചെയ്തത്. രണ്ട് ദിവസം മുമ്പ് കുളത്തൂരിലെ ഒരു അപ്പാർട്ട്മെന്‍റില്‍ വെച്ചായിരുന്നു സംഭവം നടന്നത്. പെൺകുട്ടി നൽകിയ പരാതിയിൽ കഴക്കൂട്ടം പൊസ് കേസെടുത്ത് അന്വേണം തുടങ്ങി,
പെൺകുട്ടി താമസിക്കുന്ന മുറിയിൽ എത്തിയ സുഹൃത്താണ് ബലാത്സംഗം ചെയ്തത്. കൂപ്പർ ദീപു എന്ന ദീപുവാണ് പെൺകുട്ടിയെ പീഡിപ്പിച്ചതെന്നാണ് പരാതിയിൽ പറയുന്നത്. സംഭവത്തിന് ശേഷം ദീപു കേരളം വിട്ടതായാണ് വിവരം. പെൺകുട്ടിയെ പീഡിപ്പിക്കുന്ന ദൃശ്യം ദീപുവിന്‍റെ കൈവശം ഉണ്ടെന്നും പൊലീസിന് നൽകിയ മൊഴിയിൽ പറയുന്നു. പ്രതിയ്ക്കായി അന്വേഷണം ഊർജിതമാക്കിയതായി പൊലീസ് അറിയിച്ചു. പെൺകുട്ടിയുടെ പരാതിയിൽ കഴക്കൂട്ടം പൊലീസ് കേസ് രജിസ്റ്റർ ചെയ്തിട്ടുണ്ട്.
