12 October, 2024 03:23:28 PM
ഇഴജന്തുക്കള്‍ക്കുവെച്ച വൈദ്യുതിക്കെണിയില്‍ നിന്ന് ഷോക്കേറ്റു; തൊഴിലുറപ്പ് തൊഴിലാളി മരിച്ചു
തിരുവനന്തപുരം: തൊഴിലുറപ്പ് ജോലിക്കിടെ ഷോക്കേറ്റ് വയോധിക മരിച്ചു. തിരുവനന്തപുരം ചീനിവിള അഞ്ചറവിള ലക്ഷം വീട്ടില്‍ വത്സല ആണ് മരിച്ചത്. ഇന്ന് രാവിലെ 10.45നാണ് സംഭവം നടന്നത്. കോഴിഫാമില്‍ ഇഴജന്തുക്കള്‍ കയറാതിരിക്കാന്‍ കടത്തിവിട്ടിരുന്ന വൈദ്യുതി ലൈനില്‍ നിന്നാണ് ഷോക്കേറ്റത്. ഊരുട്ടമ്പലം വെള്ളൂര്‍ക്കോണത്ത് തെങ്ങിന്‍ തൈക്ക് കുഴിയെടുക്കുന്നതിനിടെയാണ് അപകടം സംഭവിച്ചത്.
