27 October, 2024 09:42:35 PM
വർക്കലയിൽ ഓടികൊണ്ടിരുന്ന ബസിന് തീ പിടിച്ചു; അപകടത്തിൽ ആർക്കും പരിക്കില്ല
തിരുവനന്തപുരം: വർക്കലയിൽ മൈതാനം ജംഗ്ഷനിൽ വെച്ച് ഓടികൊണ്ടിരിക്കെ ബസിൽ തീയും പുകയും. തീ പിടിച്ചത് കണ്ട ഉടനെ തന്നെ ബസ് നിർത്തിയ ശേഷം, ഡ്രൈവറും കണ്ടക്ടറും ചേർന്ന് ഉടൻ തന്നെ യാത്രക്കാരെയെല്ലാവരെയും പുറത്തിറക്കി. അപകടം നടക്കുമ്പോൾ 20 ലധികം യാത്രക്കാർ ബസിലുണ്ടായിരുന്നു. ഷോർട്ട് സർക്കൂട്ട് മൂലം ബസിൽ നിന്ന് പുക ഉയരുകയായിരുന്നുവെന്നാണ് വിവരം. വർക്കല കല്ലമ്പലം ആറ്റിങ്ങൽ റൂട്ടിൽ ഓടുന്ന പൊന്നൂസ് ബസിനാണ് തീപിടിച്ചത്. ആറ്റിങ്ങലിൽ നിന്നും വർക്കല മൈതാനം ജംഗ്ഷനിൽ എത്തിയപ്പോഴാണ് ബസിന്റെ ബൊണറ്റിൽ നിന്നും പുക ഉയരുന്നത് ശ്രദ്ധയിൽപ്പെട്ടത്. ഡ്രൈവറുടെ സമചിത്തതയോടെയുളള ഇടപെടൽ മൂലം വലിയ അപകടമൊഴിവായി.
