08 November, 2024 08:04:09 PM
ജീവനൊടുക്കാൻ ശ്രമിച്ച് പോക്സോ കേസ് പ്രതി; കോടതിയുടെ മൂന്നാം നിലയിൽ നിന്ന് ചാടി
തിരുവനന്തപുരം: പോക്സോ കേസ് പ്രതി ആത്മഹത്യക്ക് ശ്രമിച്ചു. നെയ്യാറ്റിൻകര കോടതിയുടെ മൂന്നാം നിലയിൽ നിന്നും മാരായമുട്ടം സ്വദേശി വിപിനാണ് ചാടി ജീവനൊടുക്കാൻ ശ്രമിച്ചത്. ഇന്ന് വൈകിട്ട് ആണ് സംഭവം ഉണ്ടായത്. വീഴ്ചയിൽ ഇയാൾക്ക് ഗുരുതര പരിക്കേറ്റിച്ചുണ്ട്. വിപിനെ ആദ്യം നെയ്യാറ്റിൻകര ജനറൽ ആശുപത്രിയിലും ഗുരുതര പരിക്കായതിനാൽ പിന്നീട് തിരുവനന്തപുരം മെഡിക്കൽ കോളേജിലേക്കും മാറ്റി. പാറശ്ശാല പൊലീസ് സ്റ്റേഷനിലെ കേസിലെ പ്രതിയാണ് വിപിൻ.
