12 November, 2024 01:22:10 PM
ആറ്റിങ്ങലില്‍ പെട്രോൾപന്തേറിൽ വീടും കാറും കത്തി; വീട്ടുടമയ്ക്ക് പൊള്ളലേറ്റു
തിരുവനന്തപുരം: ആറ്റിങ്ങലില്‍ പെട്രോള്‍ പന്തമെറിഞ്ഞ് വീടും കാറും അഗ്‌നിക്കിരയാക്കി. ആലങ്കോടിലാണ് സംഭവം. കാറില്‍ നിന്നും തീ പടര്‍ന്ന് വീടിന്റെ മുന്‍ഭാഗവും കത്തി നശിച്ചിട്ടുണ്ട്. ആലങ്കോട് സഫറുദ്ദീന്റെ വീടിന് നേരെയാണ് ആക്രമണമുണ്ടായത്. തീയണക്കാനുള്ള ശ്രമങ്ങള്‍ക്കിടെ സഫറുദ്ദീന് പൊള്ളലേറ്റിരുന്നു. ഇയാള്‍ നിലവില്‍ സ്വകാര്യ ആശുപത്രിയില്‍ ചികിത്സയിലാണ്. ഇന്നലെ രാത്രി 11.45ഓടെയായിരുന്നു സംഭവം. വീടിന് പുറത്ത് ഉഗ്രശബ്ദം കേട്ടതിന് പിന്നാലെയാണ് കുടുംബം ഉറക്കമുണരുന്നത്. പുറത്തെത്തി നോക്കിയപ്പോഴാണ് കാര്‍ പൂര്‍ണമായും കത്തിനശിച്ചതായി കണ്ടെത്തിയത്. വീടിന്റെ മുന്‍വശത്തും തീ പടര്‍ന്നിരുന്നു.
