23 November, 2024 08:51:04 AM
വയനാട്ടില്‍ പ്രിയങ്കയും ചേലക്കരയില്‍ യുആര്‍ പ്രദീപും; പാലക്കാട് സി കൃഷ്ണകുമാറും മുന്നില്‍
തിരുവനന്തപുരം: സംസ്ഥാനത്തെ ഉപതെരഞ്ഞെടുപ്പ് ഫലം ഇന്ന് പുറത്തുവരും. വയനാട് ലോക്‌സഭാ മണ്ഡലത്തിലെയും പാലക്കാട്, ചേലക്കര നിയമസഭാ മണ്ഡലങ്ങളിലെയും വിജയികള്‍ ആരെന്ന് ഇന്നറിയാം. ചേലക്കര മണ്ഡലത്തിൽ ആദ്യ ലീഡ് എൽഡിഎഫ് സ്ഥാനാർഥി യു ആർ പ്രദീപിന്. തൊട്ടു പിന്നിലുള്ള യുഡിഎഫ് സ്ഥാനാർഥി രമ്യ ഹരിദാസിനെക്കാൾ 2500ൽ അധികം വോട്ടുകൾക്ക് മുന്നിലാണ് യു ആർ പ്രദീപ്. ആദ്യ ഫല സൂചനകൾ ഒൻപത് മണിയോടെ പുറത്ത് വരും. മൂന്ന് മണ്ഡലങ്ങളിലും ഇവിഎം എണ്ണിത്തുടങ്ങി. ചേലക്കരയിൽ ആദ്യ റൗണ്ട് വോട്ടെണ്ണൽ പൂർത്തിയായി. വയനാട്ടിൽ യുഡിഎഫ് സ്ഥാനാർഥി പ്രിയങ്ക ഗാന്ധിക്കും പാലക്കാട് എൻഡിഎ സ്ഥാനാർഥി സി കൃഷ്ണകുമാറിനും ലീഡ്.
