23 November, 2024 06:21:53 PM
വിജയാഘോഷത്തിനിടെ പി സി വിഷ്ണുനാഥിന് ദേഹാസ്വാസ്ഥ്യം; ആശുപത്രിയില്‍ പ്രവേശിപ്പിച്ചു
പാലക്കാട്: യുഡിഎഫ് സ്ഥാനാര്‍ത്ഥി രാഹുല്‍ മാങ്കൂട്ടത്തിലിന്റെ വിജയാഘോഷത്തിനിടെ കോണ്‍ഗ്രസ് നേതാവ് പി സി വിഷ്ണുനാഥ് എംഎല്‍എയ്ക്ക് ദേഹാസ്വാസ്ഥ്യം. പാലക്കാടെ ബസ് സ്റ്റാന്റ് പരിസരത്തെ റോഡ്‌ഷോയ്ക്കിടെയാണ് ദേഹാസ്വാസ്ഥ്യം അനുഭവപ്പെട്ടത്. യുഡിഎഫ് നേതാക്കള്‍ പ്രവര്‍ത്തകരെ അഭിസംബോധന ചെയ്തതിന് പിന്നാലെയാണ് പി സി വിഷ്ണുനാഥ് തലകറങ്ങി വീണത്. ഉടന്‍ പാര്‍ട്ടി പ്രവര്‍ത്തകന്റെ വാഹനത്തില്‍ വിഷ്ണുനാഥിനെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു. മണ്ഡലത്തില്‍ 18,724 വോട്ടുകള്‍ക്കാണ് രാഹുലിന്റെ വിജയം.
