25 December, 2024 06:53:37 PM
പ്രഭാത സവാരിക്കിടെ കാറിടിച്ചു; നിലമേലിൽ 51കാരിക്ക് ദാരുണാന്ത്യം
കൊല്ലം: നിലമേലില്‍ പ്രഭാത സവാരിക്ക് ഇറങ്ങിയ സ്ത്രീ വാഹനമിടിച്ച്‌ മരിച്ചു. മുരുക്കുമണ്‍ സ്വദേശിനി ഷൈല (51) ആണ് മരിച്ചത്. റോഡ് മുറിച്ചു കടക്കവേ കാറിടിച്ച്‌ റോഡില്‍ വീണ ഷൈലയുടെ ശരീരത്തിലൂടെ എതിരെ വന്ന ലോറി കയറി ഇറങ്ങുകയായിരുന്നു. സംഭവ സ്ഥലത്ത് വെച്ച്‌ തന്നെ മരണം സംഭവിച്ചു. ഇന്നലെയും ഇതേ സ്ഥലത്ത് വെച്ച്‌ മറ്റൊരു അപകടം നടന്നിരുന്നു. സ്ഥിരമായി അപകടമുണ്ടാകുന്ന മേഖലയാണിതെന്ന് പ്രദേശവാസികള്‍ പറഞ്ഞു.
