30 December, 2024 03:39:13 PM
കോഴിക്കോട് വിനോദ സഞ്ചാരികളുമായി പോയ ട്രാവലർ മറിഞ്ഞ് അപകടം; 6 വയസുകാരിക്ക് ദാരുണാന്ത്യം

കോഴിക്കോട്: വിനോദ സഞ്ചാരികളുമായി പോയ ടൂറിസ്റ്റ് ട്രാവലർ മറിഞ്ഞ് അപകടം. കൂടരഞ്ഞി കുളിരാമുട്ടിയിൽ ഉച്ചയോടെ ഉണ്ടായ അപകടത്തിൽ 6 വയസ്സുകാരി മരിച്ചു. ചങ്കുവെട്ടി സ്വദേശി എലിസ ആണ് മരിച്ചത്. അപകടത്തിൽ സ്ത്രീകളും കുട്ടികളും ഉള്പ്പെടെയുള്ള നിരവധി പേർക്ക് പരിക്കേറ്റിരുന്നു. ഗുരുതരാവസ്ഥയിലായിരുന്ന കുഞ്ഞിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
വിനോദസഞ്ചാര കേന്ദ്രമായ പൂവാറംതോട് സന്ദർശിച്ച് മടങ്ങിയവരുടെ വാഹനമാണ് അപകടത്തിൽ പെട്ടത്. നിലമ്പൂരിൽ നിന്നും കക്കാടം പൊയിലിലേക്ക് പോയി മടങ്ങി വരുന്നതിനിടെ ട്രാവലര് നിയന്ത്രണം വിട്ട് മറിയുകയായിരുന്നു. പരിക്കേറ്റവരെ ആംബുലന്സിലാണ് ആശുപത്രിയിലെത്തിച്ചത്. സ്ത്രീകളും കുട്ടികളും ഉള്പ്പെടെയുള്ളവരാണ് അപകടത്തിൽപ്പെട്ടത്. ആരുടെയും പരിക്ക് ഗുരുതരമല്ലെന്നാണ് വിവരം.