16 December, 2023 08:14:03 AM
ആംബുലൻസും പിക്ക് അപ്പ് വാനും കൂട്ടിയിടിച്ച് ആംബുലൻസിൽ ഉണ്ടായിരുന്ന രോഗി മരിച്ചു
മാവേലിക്കര: ആംബുലൻസും പിക്ക് അപ്പ് വാനും ഇടിച്ചുണ്ടായ അപകടത്തെ തുടർന്ന് ആംബുലൻസിലുണ്ടായിരുന്ന രോഗി മരിച്ചു. ചെറിയനാട് പാലിയത്ത് പ്രശാന്ത് (39) ആണ് മരിച്ചത്. മാവേലിക്കര മിച്ചൽ ജംഗ്ഷനിൽ ഇന്നലെ രാത്രി 8.45 ഓടെയായിരുന്നു സംഭവം.
രോഗം ബാധിച്ച പ്രശാന്തിനെ ആലപ്പുഴ മെഡിക്കൽ കോളജിലേയ്ക്ക് കൊണ്ടുപോകവേ ആയിരുന്നു അപകടം. ഈ സമയം അതുവഴിയെത്തിയ റവന്യൂമന്ത്രി കെ രാജൻ സ്ഥലത്തെത്തി ഫയർഫോഴ്സിനെയും പൊലീസിനേയും വിവരം ധരിപ്പിക്കുകയും രക്ഷാപ്രവർത്തനത്തിന് നേതൃത്വം നൽകുകയും ചെയ്തു.
