08 May, 2024 09:55:27 AM
ബസ് നിയന്ത്രണംവിട്ട് മറിഞ്ഞ് അപകടം; 30 യാത്രക്കാർക്ക് പരിക്ക്
ബംഗളൂരു: മൈസൂരു സാലിഗ്രാമിൽ കർണാടക ആർ.ടി.സി. ബസ് നിയന്ത്രണംവിട്ട് കൃഷിയിടത്തിലേക്ക് കയറിയുണ്ടായ അപകടത്തിൽ 30 യാത്രക്കാർക്ക് പരിക്കേറ്റു. ആറുപേരുടെ നില ഗുരുതരമാണ്. സ്റ്റിയറിങ്ങിനുണ്ടായ തകരാറാണ് നിയന്ത്രണം നഷ്ടപ്പെടാൻ കാരണം. കെ.ആർ. നഗർ-സാലിഗ്രാമ റോഡിൽ സർവിസ് നടത്തുന്ന ബസാണ് അപകടത്തിൽപ്പെട്ടത്. ബസിന്റെ മുൻഭാഗം ചളിയിൽ പൂണ്ടാണ് നിന്നത്. യാത്രക്കാർ പലരും ജനലിലൂടെ പുറത്തേക്ക് ചാടാൻ ശ്രമിച്ചു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
