08 November, 2024 09:36:33 AM
ബസിൽ യാത്ര ചെയ്യവേ ഉപദ്രവം; ജനാലവഴി പുറത്തു ചാടിയ യുവാവിനെ പിന്നാലെയോടി പിടികൂടി യുവതി
പത്തനംതിട്ട: കെഎസ്ആർടിസി ബസിൽ യാത്ര ചെയ്യുന്നതിനിടെ ഉപദ്രവിക്കാൻ ശ്രമിച്ചയാളെ പിടികൂടി യുവതി. ബസിന്റെ ജനൽ വഴി ചാടി കടന്നു കളയാൻ ശ്രമിക്കുന്നതിനിടെയാണ് യുവതി പിടികൂടിയത്. അടൂരിൽനിന്ന് കൊട്ടാരക്കരയിലേക്കുള്ള കെഎസ്ആർടിസി ബസിൽ ഇന്നലെ രാത്രി 7.30ഓടെയാണ് സംഭവം.
സംഭവത്തിന് പിന്നാലെ ഓടികൂടിയ നാട്ടുകാരാണ് പൊലീസിൽ വിവരം അറിയിച്ചത്. പൊലീസ് സ്ഥലത്തെത്തി ഇയാളെ കസ്റ്റഡിയിൽ എടുക്കുകയായിരുന്നു. കൊല്ലം കരിക്കോട് സ്വദേശി ഷനീറി(42) നെയാണ് പൊലീസ് കസ്റ്റഡിയിലെടുത്തത്. സ്ത്രീകളെ ശല്യം ചെയ്തതിനാണ് ഏനാത്ത് പൊലീസ് കേസെടുത്തിരിക്കുന്നത്.
