21 November, 2024 10:38:23 AM
സ്ത്രീയെ കടന്ന് പിടിച്ചതിന് അറസ്റ്റ്; കസ്റ്റഡിയിലിരിക്കെ പ്രതി വിഷം കഴിച്ചു
പത്തനംതിട്ട: അടൂർ ഏനാത്ത് സ്ത്രീയെ കടന്ന് പിടിച്ച പ്രതി പൊലീസ് കസ്റ്റഡിയിലിരിക്കെ വിഷം കഴിച്ചു. പുതുശ്ശേരി ഭാഗം സ്വദേശിയായ ഹരീഷാണ് വിഷം കഴിച്ചത്. പത്തനംതിട്ടയിൽ സ്ത്രീയെ കടന്ന് പിടിക്കുകയും വെട്ടി പരിക്കേൽപ്പിക്കുകയും ചെയ്തതിനെ തുടർന്ന് പൊലീസ് ഇയാളെ അറസ്റ്റ് ചെയ്യുകയായിരുന്നു. കസ്റ്റഡിയിലിരിക്കെയാണ് ഇയാൾ വിഷം കഴിച്ചത്. കോട്ടയം മെഡിക്കൽ കോളേജിൽ പരിശോധനയ്ക്ക് എത്തിച്ചപ്പോഴാണ് ഇയാൾ വിഷം കഴിച്ചത്. മെഡിക്കൽ കോളേജിൽ തന്നെ ഇയാൾ ചികിത്സയിലാണ്.
