06 July, 2024 05:04:23 PM
നാഗ്പൂരിൽ മലയാളി ദമ്പതികളെ മരിച്ച നിലയില്‍ കണ്ടെത്തി
മുബൈ: മഹാരാഷ്ട്രയിലെ നാഗ്പൂരില്‍ മലയാളി ദമ്പതികളെ മരിച്ച നിലയില്‍ കണ്ടെത്തി. തിരുവനന്തപുരം ചിറയിൻകീഴ് നെടുമ്പറമ്പ് സ്വദേശി റിജു വിജയൻ നായരും ഭാര്യ പ്രിയയുമാണ് ജീവനൊടുക്കിയത്. നാഗ്ലുരിനടുത്ത് ജറിപട്‌കയിലെ വാടകവീട്ടിൽ ബുധനാഴ്ച രാത്രിയാണ് സംഭവം.
ശീതളപാനീയത്തിൽ വിഷം കലർത്തിയാണ് ആത്മഹത്യയെന്നാണ് പൊലീസ് പറയുന്നത്. ഭാര്യയുടെ ക്യാൻസർ ചികിൽസയ്ക്കായി റിജു നിരവധി പേരിൽ നിന്ന് കടം വാങ്ങിയെന്നും അത് ബാധ്യതയായതോടെ ആണ് ആത്മഹത്യയെന്നും പൊലീസ് പറയുന്നു. ഇവർക്ക് പതിനൊന്ന് വയസുള്ള ഒരു മകളുണ്ട്. മൂന്ന് മാസം മുൻപാണ് കുടുംബം നാഗ്ലുരിൽ താമസിക്കാൻ തുടങ്ങിയത്.
