16 April, 2025 11:48:32 AM
വളയത്ത് ബ്ലൂബെറി പറിക്കാനായി മരത്തിൽ കയറിയ എട്ടു വയസ്സുകാരൻ കിണറ്റിൽ വീണു മരിച്ചു
കോഴിക്കോട്: നാദാപുരത്തിനടുത്ത് വളയത്ത് ബ്ലൂബെറി പറിക്കാനായി മരത്തിൽ കയറിയ എട്ടു വയസ്സുകാരൻ കിണറ്റിൽ വീണുമരിച്ചു . ഇന്ന് രാവിലെ 10 മണിയോടെ വളയം ടൗണിനടുത്തെ മാമുണ്ടേരിയാണ് സംഭവം . നെല്ലിയുള്ളതിൽ ഹമീദിൻ്റെ മകൻ മുനവ്വറലി( 10 ) ആണ് മരിച്ചത്. വീടിന് സമീപത്തെ മാമുണ്ടേരി പള്ളിയോട് ചേർന്ന പറമ്പിലെ ബ്ലൂബെറി മരത്തിൽ നിന്ന് ബ്ലൂബെറി പറിക്കുന്നതിനിടയിൽ മരം പൊട്ടി കുട്ടി കിണറ്റിലേക്ക് വീഴുകയായിരുന്നു . ഓടിക്കൂടിയ നാട്ടുകാർ മൃതദേഹം പുറത്തെടുത്തെങ്കിലും ജീവൻ രക്ഷിക്കാനായില്ല. വളയം എസ് ഐ റെജികുമാറിന്റെ നേതൃത്വത്തിൽ പൊലീസ് സംഘവും സ്ഥലത്തെത്തിയിട്ടുണ്ട് . മൃതദേഹം അൽപ സമയത്തിനകം പോസ്റ്റുമോർട്ടത്തിനായി ആശുപത്രിയിലേക്ക് മാറ്റും.
