15 October, 2024 05:06:15 PM
ഇടുക്കിയിൽ നിയന്ത്രണം വിട്ട കെഎസ്ആർടിസി ബസ് താഴ്ചയിലേക്ക് മറിഞ്ഞു; 2 പേർക്ക് പരിക്ക്
ഇടുക്കി: വാളറക്ക് സമീപം കെഎസ്ആർടിസി ബസ് അപകടത്തിൽപ്പെട്ടു. നിയന്ത്രണം നഷ്ടപ്പെട്ട ബസ് താഴ്ചയിലേക്ക് മറിഞ്ഞാണ് അപകടമുണ്ടായത്. മൂന്നാറിൽ നിന്ന് അടൂരിലേക്ക് പോയ കെഎസ്ആർടിസി സൂപ്പർഫാസ്റ്റ് ബസാണ് അപകടത്തിൽ പെട്ടത്. ബസിൽ 18ഓളം യാത്രക്കാരാണ് ഉണ്ടായിരുന്നത്. 2 പേർക്ക് പരിക്കേറ്റിട്ടുണ്ട്. അപകടത്തിൽ പരിക്കേറ്റവരെ അടിമാലി താലൂക്ക് ആശുപത്രിയിലേക്ക് മാറ്റി. വിവരം ലഭിച്ച ഉടനെ തന്നെ ഫയർഫോഴ്സും പൊലീസും സംഭവസ്ഥലത്തെത്തി. പൊലീസും ഫയർഫോഴ്സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
