11 November, 2024 11:10:28 AM
തഞ്ചാവൂരില്‍ കെ എസ് ആർ ടി സി ബസും ടോറസ് ലോറിയും കൂട്ടിയിടിച്ചു വൻ അപകടം
തഞ്ചാവൂർ: തഞ്ചാവൂരിനടുത്ത് പൂണ്ടിയിൽ കെ എസ് ആർ ടി സി ബസും ടോറസ് ലോറിയും കൂട്ടിയിടിച്ചു വൻ അപകടം. ചങ്ങനാശ്ശേരി ഡിപ്പോയിൽ നിന്നും പോയ സ്വിഫ്റ്റ് നോൺ എ സി ഡീലെക്സ് ബസാണ് അപകടത്തിൽ പെട്ടത്. ഇന്നലെ വൈകുന്നേരം 4.20 നാണ് അപകടം. അപകടത്തിൽ കണ്ടക്ടർ അഭിജിത് എ, ഡ്രൈവർ ജിമോദ് ജോസഫ് എന്നിവർക്കും യാത്രക്കാർക്കും പരിക്കേറ്റതായാണ് പ്രാഥമിക വിവരം. പരിക്കേറ്റവരെ തഞ്ചാവൂർ മെഡിക്കൽ കോളജിൽ പ്രവേശിപ്പിച്ചു. നാൽപതോളം പേർ ബസിലുണ്ടായിരുന്നതയാണ് വിവരം.
