09 January, 2025 09:30:07 AM


ആലുവയിൽ വയോധിക ഫ്ലാറ്റിൽ നിന്ന് വീണ് മരിച്ച നിലയിൽ



കൊച്ചി: ആലുവയില്‍ 71കാരിയെ ബഹുനില ഫ്ലാറ്റിന്‍റെ നിന്ന് വീണ് മരിച്ച നിലയില്‍ കണ്ടെത്തി. ആലുവ ബീവറേജ് ഷോപ്പിന് സമീപമുള്ള അമിറ്റി ഫ്ലാറ്റില്‍ താമസിക്കുന്ന ശാന്തമണിയമ്മയെ ആണ് മരിച്ച നിലയില്‍ കണ്ടെത്തിയത്. ഇന്ന് പുലര്‍ച്ചെയാണ് ശാന്തമണിയമ്മയെ ഫ്ലാറ്റിന്റെ പാര്‍ക്കിങ് ഏരിയക്ക് സമീപം വീണ് മരിച്ച നിലയില്‍ കണ്ടെത്തിയത്. ഫ്ലാറ്റില്‍ നിന്നും ചാടി മരിച്ചതാകാമെന്ന നിഗമനത്തിലാണ് പോലീസ്. വയോധിക ഏറെ കാലമായി വിഷാദരോഗത്തിന് ചികിത്സയിലായിരുന്നുവെന്നാണ് ലഭിക്കുന്ന വിവരം.  11ാം നിലയിലെ ഫ്ലാറ്റിലാണ് ഇവര്‍ താസിച്ചിരുന്നത്. ഫ്ലാറ്റില്‍ ആഭരണങ്ങള്‍ അഴിച്ചുവെച്ചതായി കണ്ടെത്തിയിട്ടുണ്ട്. അങ്കമാലിയിലെ സ്‌കൂളില്‍ അധ്യാപികയായ മകള്‍ക്കൊപ്പമായിരുന്നു ശാന്തമണിയമ്മ താമസിച്ചിരുന്നത്. മൃതദേഹം ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ പോലീസ് അസ്വാഭാവിക മരണത്തിന് കേസെടുത്തു. 



Share this News Now:
  • Mail
  • Whatsapp whatsapp
Like(s): 2.6K