26 January, 2024 07:03:25 PM
നിർമ്മാണം നടന്നു കൊണ്ടിരിക്കുന്ന വീടിന്‍റെ രണ്ടാം നിലയിൽ നിന്നും വീണ് 3 പേർക്ക് പരിക്ക്
തൃശൂര്‍: നിർമ്മാണം നടന്നുകൊണ്ടിരിക്കുന്ന വീടിന്‍റെ രണ്ടാം നിലയിൽ നിന്നും വീണ് മൂന്നുപേർക്ക് പരിക്ക്. വീടിന്‍റെ മുകളിൽ തട്ടടിച്ചു കൊണ്ടിരിക്കുന്നതിനിടയിലാണ് അപകടം ഉണ്ടായത്. കൊടുങ്ങല്ലൂർ സ്വദേശികളായ ജയൻ, നെൽസൺ, കൊൽക്കട്ട സ്വദേശിയായ അൻസാർ അലി എന്നിവർക്കാണ് പരിക്കേറ്റത്.
പരിക്കേറ്റ മൂവരെയും മാളയിലെ സ്വകാര്യ ആശുപത്രിയിൽ പ്രവേശിപ്പിച്ചു. വിദഗ്ദ പരിശോധനയ്ക്ക് ശേഷമേ കൂടുതൽ വിവരങ്ങൾ ലഭ്യമാവുകയുള്ളൂ എന്ന് ആശുപത്രി അധികൃതർ അറിയിച്ചു.
