24 September, 2024 06:49:33 PM
ബസ് സ്റ്റാൻഡ് ശുചീകരണം: മാതൃകയായി വിമല കോളേജ് വിദ്യാർഥിനികൾ
- പി എം മുകുന്ദൻ
തൃശ്ശൂർ: തൃശ്ശൂർ വടക്കേച്ചിറ ബസ് സ്റ്റാൻഡും പരിസരങ്ങളും ശുചീകരിച്ച് സമൂഹത്തിന് മാതൃകയായി ഒരു സംഘം വിദ്യാർത്ഥിനികൾ. വിമല കോളേജ് എൻ.എസ്.എസ് യൂണിറ്റുകളുടെ നേതൃത്വത്തിൽ 150 ഓളം വിദ്യാർത്ഥികളാണ് "സ്വച്ഛതാ ഹി സേവ 2024" എന്ന കേരള മെഗാ ഇവന്റിന്റെ ഭാഗമായി രംഗത്തിറങ്ങിയത്. തൃശ്ശൂർ കോർപ്പറേഷനുമായി ചേർന്ന് ബോധവൽക്കരണ സന്ദേശവുമായി റാലിയും നടത്തി.
കോർപ്പറേഷൻ സീനിയർ ഹെൽത്ത്‌ ഇൻസ്‌പെക്ടർ എസ് ജയപ്രകാശ്, വിമല കോളേജ് എൻ.എസ്.എസ് പ്രോഗ്രാം ഓഫീസർമാരായ ഡോ.സ്മിത പി.എസ് , ആൻ മരിയ ജോസ് , സെക്രട്ടറിമാരായ അൽഷിഫ സി.എസ്, ആര്യകൃഷ്ണൻ എ.എം എന്നിവർ നേതൃത്വം നൽകി.
