19 November, 2024 02:31:17 PM
കുന്നംകുളത്ത് ശബരിമല തീര്‍ത്ഥാടകര്‍ സഞ്ചരിച്ച മിനി ബസ് മറിഞ്ഞു; രണ്ട് പേര്‍ക്ക് പരിക്ക്
തൃശൂര്‍: കുന്നംകുളം പാറേമ്പാടത്ത് ശബരിമല തീര്‍ത്ഥാടകര്‍ സഞ്ചരിച്ച മിനി ബസ് മറിഞ്ഞ് അപകടം. അപകടത്തില്‍ രണ്ട് പേര്‍ക്ക് നിസാര പരിക്കേറ്റു. ഇന്ന് പുലര്‍ച്ചെ അഞ്ചരയോടെയാണ് അപകടമുണ്ടായത്. കര്‍ണാടക സ്വദേശികള്‍ സഞ്ചരിച്ച മിനി ബസാണ് അപകടത്തില്‍പ്പെട്ടത്.
പെരുമ്പിലാവ് ഭാഗത്തുനിന്നും ഗുരുവായൂര്‍ ഭാഗത്തേക്ക് പോവുകയായിരുന്ന ബസാണ് അപകടത്തില്‍പ്പെട്ടത്. അപകട സമയത്ത് മിനി ബസില്‍ ഇരുപതോളം പേര്‍ ഉണ്ടായിരുന്നു. രണ്ട് പേരുടെ കാലിന് നിസാര പരിക്കാണുള്ളത്. അപകട വിവരമറിഞ്ഞ് പൊലീസും അഗ്‌നിരക്ഷാസേനയും സ്ഥലത്തെത്തി രക്ഷാപ്രവര്‍ത്തനം നടത്തി. ക്രെയിന്‍ ഉപയോഗിച്ചാണ് ബസ് സംഭവ സ്ഥലത്തുനിന്നും മാറ്റിയത്.
