28 March, 2024 11:01:44 AM
സിങ്ക്കണ്ടത്ത് വീണ്ടും കാട്ടാന ആക്രമണം; ഏലം കൃഷി നശിപ്പിച്ചു
ഇടുക്കി:സിങ്ക്കണ്ടത്ത് വീണ്ടും കാട്ടാനയുടെ ആക്രമണം ഉണ്ടായി. സിങ്ക്കണ്ടം സെൻറ് തോമസ് പള്ളിയുടെ സംരക്ഷണവേലി ആന തകർത്തു. ഏലം കൃഷിയും കാട്ടാന നശിപ്പിച്ചു. മുറിവാലൻ കൊമ്പൻ ആണ് പ്രദേശത്ത് ഉണ്ടായിരുന്നതെന്നാണ് വനം വകുപ്പ് പറയുന്നത്. ഇതേ സമയം ചക്കകൊമ്പൻ തന്നെയാണ് മേഖലയിൽ ആക്രമണം നടത്തിയതെന്നാണ് നാട്ടുകാർ പറയുന്നത്.
അതേസമയം ജനവാസ മേഖലയിൽ വീണ്ടും പടയപ്പ ഇറങ്ങി. ജനവാസ മേഖലയിൽ കാട്ടാന പടയപ്പ കഴിഞ്ഞ ദിവസം തമ്പടിച്ചിരുന്നു. ഇന്നലെ രാത്രി ദേവികുളം ഫാക്ടറിക്ക് സമീപം എത്തിയ പടയപ്പ മേഖലയിലെ വാഴകൃഷിയടക്കം നശിപ്പിച്ചു. രാത്രിയും പകലും ആർ ആർ ടി സംഘം പടയപ്പയെ നിരീക്ഷിക്കുന്നുണ്ടായിരുന്നു.
