14 November, 2024 09:14:39 AM
പൗർണമിക്കാവിൽ തഞ്ചാവൂർ രാജാവ് എത്തും
തിരുവനന്തപുരം: വെങ്ങാനൂർ പൗർണമിക്കാവ് ശ്രീബാലത്രിപുര സുന്ദരി ദേവി ക്ഷേത്രത്തിൽ പൗർണമിയായ 15 ന് തഞ്ചാവൂർ രാജാവ് ദർശനത്തിന് എത്തും. തഞ്ചാവൂർ മറാത്ത രാജാവംശത്തിലെ അഞ്ചാം തലമുറയിലെ ശിവജി രാജാ ഭോസ്സേയാണ് വരുന്നത്.
ആയ്, ചോള രാജാവംശങ്ങൾക്ക് പൗർണമിക്കാവുമായി ബന്ധമുണ്ടെന്ന ചരിത്രം അറിഞ്ഞാണ് തഞ്ചാവൂർ രാജാവ് എത്തുന്നത്. ആയ് രാജവംശത്തിന്റെ തകർച്ചയെ തുടർന്ന് പൗർണമിക്കാവിലെ ഉടവാൾ കൊണ്ടു പോയത് ചോളന്മാരാണ്. അതിന്റെ പരിഹാരത്തിനായി പഞ്ചശക്തി പൂജ ചെയ്യാൻ കൂടിയാണ് അദ്ദേഹം എത്തുന്നതെന്ന് ക്ഷേത്രം ഭാരവാഹികൾ അറിയിച്ചു.
